Mbledhje e Emergjencave Civile në Qarkun Vlorë: Masat Parandaluese ndaj Përmbytjeve

 Prefektja e Qarkut Vlorë, Znj. Evis Allushi, thirri sot në mesditë, në cilësinë e kryetares, Komisionin e Emergjencave Civile, në përgjigje të paralajmërimeve për reshje shirash me intensitet të lartë dhe rrezikun e përmbytjeve.

Qëllimi kryesor i mbledhjes ishte planifikimi dhe koordinimi i veprimeve të të gjitha strukturave të përfshira në planin e emergjencave në rang qarku.

Anëtarët e komisionit diskutuan masat, problematikat dhe situatën aktuale, me theks të veçantë në:

 Zonën e Novoselës, e cila rrezikohet më shumë në rast të daljes nga shtrati të lumit Vjosa.

Përgatitjen e strukturave për t’u përballur me skenarët e emergjencave të shkaktuara nga kushtet atmosferike.

Prefektja Allushi kërkoi angazhim maksimal nga secili anëtar i komisionit.

Kërkoj angazhim të çdo anëtari të komisionit në kryerjen e detyrës që i ngarkon ligji,” theksoi Prefektja.

Gjithashtu, Znj. Allushi i bëri thirrje të fortë popullatës lokale që të bëhet pjesë aktive e procesit për menaxhimin e këtyre situatave. Ajo theksoi se emergjencat krijohen jo vetëm si shkak i kushteve atmosferike, por edhe nga faktorë të tjer,ndërtimet pa kriter.

Neglizhenca në kryerjen e detyrës nga ana e disa institucioneve të shtetit.

Mesazhi Përfundimtar: “Qyteti është i të gjithëve dhe na takon të kujdesemi e të kontribuojmë të gjithë për të.